集齊一套黃貓三兄弟

一連一個星期, 晚晚係樓下垃圾場磨足一粒鐘, 就係為左呢三兄弟, 其實我樓下大部份貓貓已經被CCCP 小文(未知咩係CCCP請看附片)捉左去DESEX 架喇, 每隻貓有佢特性
1.號嗲鬼
捉貓經過: 先用美味高級罐頭引開其母貓注意力, 當嗲鬼行埋母貓身邊討食時, 一個閃電手搶貓, 母貓完全無反應, 嗲鬼都無哂反應... 原來我閃電手咁勁....
性格: 叫得佢嗲鬼, 因為勁嗲, 係異常嗲, 就係因為咁, 我地認為佢果兩兄弟應該都會好嗲, 應該要比機會佢地做家貓的。

2.號小雨
捉貓經過: 捉完嗲鬼之後, 果晚就落左場大雨, 我地心諗, 其他兩隻小貓有危險喎, 都係盡快捉左佢為妙, 咁第二日我地就開始捉小雨, 岩岩果日, 有人丟左好多無用傢具去垃圾場, 咁小雨同佢兄弟兩隻貓就玩得好開心, 玩到反哂肚, 完全視我為無物... 當然, 我行埋去都會閃吧, 咁唯有一步一步黎, 慢慢走近, 當時小雨反肚訓緊, 我經驗話比我知, 當貓反緊肚時即是豪無警介心, 正LA, 又黎閃電手一野徒手捉貓, 又搞掂一隻
性格: 小雨最近開始嗲返, 模下佢都咕, 佢同嗲鬼成日日玩夜玩, 佢地最鐘意係毛毛波, 一玩就好興奮。

3號未命名
捉貓經過: 既然捉得佢兩兄弟, 緊係捉埋LAST 果隻, 好事成三, 前日.. 等左半粒鐘,見到佢, 但捉唔到,因為佢始於睇住兩個兄弟比我捉, 點都有戒心啦, 第二日再捉, 今日好D, 餓左佢兩母子一日, 一有野食就兩個一齊走出黎, 其實佢地母子情深, 母貓一直都很照顧小貓, 我都好難入手, 嘿, 又黎開罐頭.... 佢阿媽次次都係咁, 一有好食既食物就乜都唔理, 就係咁, 捉埋3號...
性格: 暫時睇起上黎, 3 號好似最怕事的, 不過因為琴晚先捉, 所以我認為過兩日佢又會變成一隻嗲貓的。

D 貓係健康架~ 我老婆放暑假得閒D, 搵幾隻貓仔返黎玩下, 都幾開心, 不過我地都係想盡快幫佢地搵到好主人, 如果有興趣或者朋友有興趣, 記得搵我LA
我EMAIL 是hkzooo@yahoo.com.hk

有關cccp 介紹